Blog Archives

පේරාදෙණිය සරසවියෙහි 81 වන සංවත්සරය. – By ආචාර්ය ගාමිණී කාරියවසම් ලංකා වෛද්‍ය විද්‍යාලය සහ ලංකා විශ්වවිද්‍යාල විද්‍යාලය ඒකාබද්ධ කරමින් 1942 අංක 20 දරන ලංකා විශ්වවිද්‍යාල ආඥාපනත මගින් 1942 ජූලි 1 වන දින, ස්ථාපිත ලංකා විශ්වවිද්‍යාලය,  පේරාදෙණි සරසවියේ ආරම්භක අවස්ථාව සේ සැළකේ. ඒ අනුව 2023 ජූලි  01 වන දිනට,පේරාදෙණිය සරසවිය පිහිටුවා 81  වසරක් සපිරේ.මෙම අවස්ථාවේ ශ්‍රීලංකාවේ ප්‍රථම සරසවිය සේ සැළකෙන පේරාදෙණිය සරසවිය පිලිබදව ගවේෂණාත්මක හා සෞන්දර්යාත්මක ලිපියක් සැකසීම කෙරෙහි මගේ අවධානය යොමුවිය. මෙම පුවත් පත් ලිපිය නිර්මාණය වන්නේ එහි පලයක් ලෙසිණි . සොබා අසිරියෙන් අනුන සරසවි පිලිබදව කිසියම් අන්දමක ශ්‍රේණි ගත කිරීමක් සිදු කලහොත් ,පේරාදෙණිය සරසවියට නිතැතින් ම ප්‍රථමයා වීමේ භාග්‍ය හිමිවේ. හරිත වන පියසින් ගැවසි, කදු ශිඛර පිස හමන සුළං රැල්ලෙන් නිරන්තරයෙන් ම ප්‍රබෝධමත් වූ, හන්තාන කඳු වළල්ලෙන් සහ මහවැලි නදියේ මනස්කාන්ත අසිරිය වැළද ගත් පේරාදෙණිය සරසවිය, සිය 80 වන වසර පියමන් කළ ද නෙතට දිස්වන්නේ නව යෞවනීය පෙනුමකිනි.. මධ්‍යම කඳුකරයේ මහනුවර නගරාසන්නය දක්වා පැතිරී සොඳුරු හන්තාන කඳු පෙළ බටහිර ...