ගුවන්විදුලි මංතලාවේ – කරුණාරත්න අබේසේකර – මතක සුවද…..- By ආචාර්ය ගාමිණී කාරියවසම්. Image Source : island 80 දශකයේ මුල් භාගයේ එක්තරා සොදුරු සැදෑවකි. මම එවකට ගුවන් විදුලියේ ශබ්ද පරිපාලක වරයෙක් ලෙසින් සේවයේ නිරතව සිටියෙමි. එදින හවස් යාමයේ ගුවන්විදුලියේ 05 වන මැදිරියේ සරස්වතී මණ්ඩපය ළමා වැඩසටහන පටිගත කිරීමේ කාර්ය භාරය මා වෙත පැවරී තිබිණි.( මෑතකදී මෙම මැදිරිය කරුණාරත්න අබේසේකර ශුරීන්ට උපහාර පිණිස ,ඔහුගේ නමින් නම් කරනු ලැබිණි.) වැඩසටහනට සහභාගී වන ළමා ශිල්පීන් සහ වාදක මණ්ඩලය නිෂ්පාදකා ප්‍රභා රණතුංගයන්ගේ මග පෙන්වීම යටතේ පුහුණුවීම් අවසන් කර, සරස්වතී මණ්ඩපය මෙහෙය වන කරු අයියා සපැමිණෙන තෙක් මැදිරිය තුළ තැන තැන අල්ලාප සල්ලාපයෙහි යෙදී සිටියහ.මා අසුන් ගෙන සිටි පටි ගත කිරීමේ පාලක මැදිරියේ වායු සමීකරණයේ දැඩි සිහිලසෙන් මිදීම සදහා ,මම මැදිරියෙන් පිටත කොරිඩෝව වෙත පිය නැගුවෙමි. එතැනට ගුවන් විදුලියේ මැද මිදුල මැනවින් දිස්වේ.එහි නිසල නිහඩ සුන්දරත්වය මසිත පහන් කළේය. සැදෑ හිරු රැස් තැවරී මැද මිදුලේ තුරු ලතා රන් පැහැ ගැන්වී මද සුළගේ ලෙලෙමින් තිබිණි. හැමු මද සුළගත් ...
දළදා මැදුරේ රන්කොත මුදුනේ – මිනි කිරණින් මුළු රටම අවදිවේ – By ආචාර්ය ගාමිණී කාරියවසම්. Image Source : culture.cp.gov.lk Image Source : dailymirror.lk එළැඹෙනඅප්‍රේල් මස 18වනදා ‘සිරි දළදා දැක්ම’ ආරම්භවේ. අප මුළු මහත් දේශයට සෙත කැන්දන,අසිරිමත් දළදා ප්‍රදර්ශනයක් පැවැත්වෙන්නේ වසර 16 කට පසුවය.අප්‍රේල් 12 වන දින බක් පුර පසළොස්වක පොහොය උදාවේ .එම පොහොය ගෙවී ගොස්, සතියකින් සිරි දළදා දැක්ම ආරම්භ කිරීමට සැළසුම් කිරීම අතිශයින් ම කාලෝචිතය. ඒ මන්ද යත්,බුදුරජාණන් වහන්සේගේ දෙවන ලංකාගමනය සිදුව ඇත්තේ ද බක් පුර පසළොස්වක පොහොය දිනයක වීම නිසාවෙනි. වංස කථාවන්හි දැක්වෙන ආකාරයට බුද්ධත්වයෙන් පස්වන වසරේ බක් මස අමාවක පොහොය දිනයේ දී බුදුරජාණන් වහන්සේ දඹදිව ජේතවනාරාමයේ සිට ලක්දිව නාගදීපයට වැඩම කළේ චූළෝදර මහෝදර දෙපිරිස් අතර , මිණි පළඟ හේතුකොට ගෙන ඇති වූ කලහය දැක නාගයන් කෙරෙහි අනුකම්පාවෙනි. බොදුනුවන්ට, ශාන්ති නායකයාණන්ගේ අසූහාර දහසක් ශ්රී ධර්මස්කන්ධය ස්පර්ෂිත දළදා සමිඳුන්,සියසින් දැක ,වැඳ පුදා ගැනීමට අවස්ථාවක් ලැබීම,ජීවිතයේ ලද හැකි පරම භාග්‍යයකි. මෙම කාල වකවානුවේ ,සම්බුද්ධ පරිනිර්වාණයෙන් පසුව, සිව් දන්ත ධාතුන් වහන්සේලා සබැඳි අතීත ...
ජීවන යථාර්තය ගීතයන් ඔස්සේ සමාජගත කළ ගුණදාස කපුගේ – By ආචාර්ය ගාමිණී කාරියවසම්. Image Source – fragmenteyes “කවමදාවත් නොයෙන ගමනක් ගියාදෝ වැහිලිහිණියෝ ලිහිණියෝ නාඹර වියේ තටු සැලූ කළු වාතලේ සාදයේ මධු ගීතිකා නොව නුඹ මුවග රැදුනේ දියට හැඩු දා පවස වෙනුවට නුබෙ ගෙළද සිඳුනේ..” ගීතයේ පසුබිමින් මල බෙර හඩක් ඇසේ .මළ හිරු බස්නා සැදෑ යාමයකි.ඒ , අප සහෘද ගුණදාස කපුගේ ගාන්ධර්වයන් මුවින්, හැඟුම්බර ස්වරයෙන් ගැයෙන ගීතයක පදමාලාවකි.එහි නාද රටාවන් සෝ සුසුම්හි රිද්මයකට අනුගත සෙයක් හැඟේ. එවන් ගීතයකින්,ගුණදාස කපුගේ පිළිබඳව වූ මෙම අනුස්මරණ ලිපිය ආරම්භ කරන්නට මා සිත් යොමු වූයේ මන්දැයි ඔබ සිත් හි කුකුසත් ඇතිවනු නිසැකි. එය 1988 මාර්තු 07 වැනි දින සරසවි සිසු අරගලයේදී ඝාතනයට ලක්වූ ත්‍රීමාවිතාන ඇතුළු ශිෂ්‍ය සමුහයක් වෙනුවෙන්, ගැයෙන සංවේදී ගීතයකි. වැහිලිහිණියෝ ගීතය මහින්ද දිසානායකයන්ගේ පද රචනයට, තමන් නිර්මාණය කළ තනුවක දවටා,තම කම්පන ප්‍රසංගයට, ගුණදාස කපුගේ,කම්පිත ස්වරයෙන් ගායනා කරන ලද්දකි. ගුණදාස කපුගේ නම් වූ ඒ සොඳුරු මිනිසාගේ, මුළු මහත් ජීවිතයම ශෝකාලාපයක් විය. ...
සත්‍යජිත් රායි ගේ පාතර් පංචාලි- වින්දනාත්මක දෘෂ්ටිකෝණයකින්- By ආචාර්ය ගාමිණී කාරියවසම්. Image Source : mathrubhumi Image Source : catchnews පාතර් පංචාලි චිත්‍රපටය ,පිටිසර බෙංගාලි ගම්මානයක කුඩා පිරිමි ළමයෙකු වන අපුගේ ජීවන වෘතාන්තය වටා ගෙතී ඇති අනු වේදනීය කතාවකි.කුඩා අපුට ළමා වියේදී විවිධ දුෂ්කරතා වලට මුහුණ දීමට සිදුවේ. විධිමත් අධ්‍යාපනයක් ලබා ගැනීමට ඔහු දරන්නේ අප්‍රතිහත උත්සාහයකි.යෝවූන්වි යේදී ,ඔහුගේ ජීවනයට මිහිර ගෙනා පෙම්වතිය අහිමි වීමේ ප්‍රවණතාවයක් මෝදු වේ. අපූ ජීවිතයේදී මුහුණ දුන් දුක් ගැහැට ,ප්‍රියවිප්පයෝගයෙන් ඔහු විඳී වේදනාව, මෙම චිත්‍රපටයෙන් මතුකොට දක්වන්නේ, එම වින්දනයන් ප්‍රේක්ෂකයාගේ ජීවිතයටද බද්ධව ඇති ලෙසක් විෂද කරවමිනි. පාතර් පංචාලි චිත්‍රපටියට පෙරවදනක් පාතර් පංචාලි, සත්‍යජිත් රායි ගේ සම්භාවනීය සිනමා ගෙත්තමකි.එය රවි සංකර් ගේ භාව පූර්ණ, රසාලිප්ත සංගීතයෙන්,සිත් , දෙසවන් මෝහනයට පත් කරවන සුළුය. පාතර් පංචාලි,වරක් නැරඹූ ප්‍රේක්ෂකයෙකු සිත්හි ,මුළු ජීවිත කාලයටම මතකයෙන් බැහැරව නොයන සුළු සිනමා ආශ්චර්යයකි.තත් සිනිමා ගෙත්තම ජාත්‍යන්තර කීර්තිය දිනා ගත්,අමරණීය නිර්මාණයක් ලෙස ඉතිහාසගතය. ”ගුරු පාරේ ගීතය “ සිනමා කෘතීන්ට පාදක වූ පාතර් පංචාලි,අපරාජිතෝ,අපූර් සන්සාර් ...
මෝඩයන් ගේ දිනයේ හාස්‍ය සහ ත්‍රාසය . – By ආචාර්ය ගාමිණී කාරියවසම්. Image Source : linkedin 2025 වසරේ අප්‍රේල් 01 වන දින , මෝඩයින්ගේ දිනය අප හමුවට එළැඹ ඇත.මෙම නිමේෂයේ,වසර ගණනාවකට ඉහත,අප්‍රේල් පළමු වැනිදාක මෝඩයින්ගේ දිනයකදී, මට මුහුණ දීමට සිදුවූ, හාස්‍ය ජනක අත්දැකීමක් මගේ මතකයට නැගෙන්නේ නිතැතිනි.එය මගේ ජීවිතයට අමතක නොවන සුළු අත්දැකීමකි. එවකට මම,ජර්මනීයේ බොන් ප්‍රාන්තයේ, ශ්රී ලංකා කොන්සල් ජනරාල් ලෙසින් රාජකාරියෙහි නිරතව සිටියෙමි. එදවස මා මුහුණ දුන් එම සිද්ධිය පිළිබඳව,2025 මෝඩයන්ගේ දිනයේදී මෙවන් සටහනක් තැබීමට මසිත පෙළඹුනේ,එහි පවත්නා අපුර්ව ස්වභාවය නිසාමය. 2004 අප්‍රේල් 01 වන දින උදෑසන මා සුපුරුදු පරිදි කාර්යාලයට පිවිස ,අසුන් ගත්තා පමණි.මගේ නිල කාමරයේ දොර තල්ලු කර ගෙන,මා කිසි දිනෙක දැක නැති, ජර්මන් තරුණියක මා අසලට දිව ආවාය. ඇගේ අතේ තිබු මුවහත් කතුර දුටු මට ,මේ සිදුවන්නට යන්නේ කුමක්දැයි අදහා ගත නොහැකි විය . මා පුටුව පසෙකට ලා හුන් අසුනෙන් නැගී සිටිත් ම ,එම තරුණිය මා සමීපයට ම පැමිණ ,මා පැළද සිටි ටයි පටියෙන් ඇද්දේ රෞද්‍ර විලාශයකින් නම් නොව, සිනා සපිරි මුව මඩලකින් යුක්තවය. ...
ලේඛක පරපුර දිරිගන්වන – විද්‍යුත් ග්‍රන්ථ යුගයක උදාව – By ආචාර්ය ගාමිණී කාරියවසම් Image Source : 123rf.com Image Source : hindiaudiobook කඩදාසි මිල ඉහළයාම, අධික මුද්‍රණ පිරිවැය හේතුකොටගෙන, නිර්මාණයන් ප්‍රකාශයට පත් කර ගැනීමට මගක් නොමැති යුගයකට අප සැම එළඹ සිටිමු. ග්‍රන්ථයක් මුද්‍රණය කළ ද , අධික පිරිවැයක් දැරීමට හේතුවන බැවින්, ග්‍රන්ථයන්ගේ මිල ගණන් රදන්නේ ඉහල ඉමකය. එය, කියැවීමට ලොල් පාඨකයින් සිත් රිදවන සුළුය.මේ හේතුවෙන් ග්‍රන්ථ පරිශීලිත පාඨක සංඛ්‍යාවේ අඩුවීමක් ද ගම්‍යවේ.මෙවන් පසුබිමක් යටතේ,විද්‍යුත් ග්‍රන්ථයන්ගේ සම්ප්‍රාප්තිය,සාහිත්‍ය ලෝකයට මහත් ආශිර්වාදයක් වනු නිසැකි. කාර්යබහුල වත්මන් සමාජයටද,විද්‍යුත් ග්‍රන්ථයන්ගේ ආගමනයෙන් සැලසෙන සෙත සුළු පටු නොවේ. වත්මන් සමාජය නොනවතින ධාවනයක නිමග්නව සිටිති. ගෘහණියන් මුළුතැන් ගෙයි මෙහෙවරේය.දරුවන් පාසල් ,අතිරේක පන්ති වෙත දුවමින් සිටිති. වෘත්තිකයින් උදේ හවා මෝටර් රථයේ,දුම්රියේ හෝ බස්රියේ කාර්යාලයන්, වැඩබිම් වෙත නිරන්තර ගමනේය.ඔවුනට රූපවාහිනියක් නරඹන්නට, පොතක් පතක් කියවන්නට අස්වැසිල්ලක් නොලැබෙන සෙයකි. මෙවන් අතිශය කාර්යබහුල දිවියකදී,ඔවුනගේ දිවියට කිසියම් ආස්වාදනයක්,අවබෝධයක් ලබා දීමේ මූලික ප්‍රවණතාවය ගුවන් විදුලිය හෝ වෙනත් විද්‍යුත් උපකරණයන් කේන්ද්‍රීයව පවතී. නිරන්තරව ධාවනයේ නිරත වර්තමාන ලෝකයේ, අධ්‍යාපනය, විනෝදාස්වාදය සහ මානසික සංවර්ධනය උදෙසා අත්‍යවශ්‍ය මෙවලමක් ලෙස විද්‍යුත් ග්‍රන්ථ ඉස්මතු වෙමින් ...
Mar 22, 2025
Posted
Articles, Dr. Gamini Kariyawasam
Tagged Gamini Kariyawasam, ලේඛක පරපුර, විද්‍යුත් ග්‍රන්ථ යුගය
වාත්ස්‍යායනගේ කාම සුත්‍රයේ,නිවැරැදි දර්ශනය – ආචාර්ය ගාමිණී කාරියවසම්. Image Source : bubblin කාම සූත්‍රය….දුරාතීතයේ සිට,වර්තමානය දක්වා යුග යුග, මිනිස් සන්තානයෙහි කුතුහලය දනවන සුළු,සමාජ තලයෙහි ආන්දෝලාත්මක ලෙසින් විමසුමට බඳුන් වූ කෘතියක් ලෙසින් සැළකේ.කාම සූත්‍රය පිළිබඳව සමාජගතව පවත්නා දුර් අවබෝධය පිළිබඳව විශ්ලේෂණාත්මකව විමසමින්,කාම සුත්‍රයේ නිවැරැදි දර්ශනය ප්‍රත්‍යක්ෂ කර දීමට ගන්නා ප්‍රයත්නයක් ලෙසින් මෙම ලිපිය හඳුන්වා දෙනු රිසියෙමි. කාම සූත්‍රය කාලානුරූප මානව ප්‍රඥාව:ආදරය, සබඳතා සහ ලිංගිකත්වය පිළිබඳ වඩාත් ප්‍රසිද්ධ,මාර්ගෝපදේශය සලසන ඉපැරණි සම්භාව්‍යපුරාණ ග්‍රන්ථවලින්එකකි. ඉන්දියානු කාම සූත්‍රය මෙන්ම,මානව ලිංගිකත්වය, සබඳතා සහ ආදරය ගැන ගැඹුරින් විමංසනය කෙරෙන ,පැරණි ග්‍රන්ථ කිහිපයක් විශ්ව සාහිත්‍ය වංශයට එක් වී ඇත. අනංග රංග (Ananga Ranga ): මෙම කෘතියඉන්දියාවේදී ලියැවුනු මෙම ග්‍රන්ථය 15 වන හෝ 16 වන සියවසේ කල්‍යාණ මල්ල විසින් රචිත පුරාණ ඉන්දියානු සංස්කෘතික ග්‍රන්ථයකි. විවාහක සතුට සහ සමීපත්වය වැඩි දියුණු කිරීම සඳහා අත්පොතක් ලෙස භාවිතා කෙරේ. එය ලිංගික ශිල්පීය ක්‍රම සහ විවාහ ජීවිතයේ ගතිකත්වය පිළිබඳ අවබෝධයක් ලබා දෙන ග්‍රන්ථයකි. සුවඳැති උද්‍යානය(The Perfumed Garden:) නම් වූ අරාබි කාම සුත්‍රය 15 වැනි සියවසේ Sheikh Nefzaoui විසින් රචිත අරාබි කෘතියකි. කාමුකත්වය, ...
සුවිසල් සමාජ මෙහෙවරක නියැළි – පැල්පොල විපස්සි නාහිමි – ජන්ම සංවත්සරය සැමරේ. – ආචාර්ය ගාමිණී කාරියවසම් අදින් දශක කිහිපයකට පෙර, මාර්තු 04 වන දින කළුතර දිස්ත්‍රික්කයේ,පැල්පොල කුඩාඋඩුව ග්‍රාමයෙහි උදුගොඩගේ විල්බට් රුද්‍රිගු නමින් ජන්ම ලාභය ලත් පින්වත් කුමරුවන්,මතු ජාත්‍යන්තර කීර්තියට පත්වන ,සුවිසල් ජාතික , ආගමික හා සමාජ මෙහෙවරක නියැලෙණ යතිවරයාණන් වහන්සේ කෙනෙක් වෙතැයි පවසන්නට, එදවස කිසිවෙක් සමත් නුවුවායැයි හැගේ.ලක් මව බිහිකළ මෙම උදාර බුද්ධ පුත්‍රයානන් වහන්සේ, අති පුජ්‍ය පැල්පොල විපස්සී ස්වාමිපාදයානන් වහන්සේය. පැල්පොල නිජබිම කරගෙන උපන් මෙම කුමරුවාගේ මාපිය යුවළ , භක්තිමත් බෞද්ධයන් වූ උදූගොඩගේ රෙමානිස් රුද්‍රිගු සහ හපුතන්ත්‍රීගේ මේරිනෝනා යන දෙමහල්ලන්ය.උඳුගොඩගේ සොපි නෝනා ,කොරනේරිස්,ප්‍රේමවර්ධන,ජිනදාස රුද්‍රිගු යන වැඩිමල් සහෝදරයින් තුන් දෙනෙකුගේ සහ සහෝදරියක ගෙන් යුත් මෙම පවුලේ බාලයා වුයේ අප කතා නායකයානන්ය. පැල්පොල කණිෂ්ට රජයේ විද්‍යාලයෙන් සිවුවන ශ්‍රේණිය සමත්වන විල්බට් රුද්‍රිගු සිසුවා ,කුඩාඋඩුවේ නාලන්දා විද්‍යාලයෙන් ජ්‍යෙෂ්ඨ විභාගය සමත් විය.අනතුරුව කෙසෙල්හේනාවේ ප්‍රඥාතිස්ස පස්දුන්රට ප්‍රධාන සංඝනායක හිමියන්ගේ අනුශාසකත්වයෙන්;පැල්පොළ විපස්සී නමින් උන්වහන්සේ පැවිදි බිමට පිවිසියේ 14 වැනි වියේදීය.මෙම සාමනේරයන් වහන්සේ මොල්ලිගොඩ ප්‍රවචනෝදය පිරිවෙන ...
Mar 3, 2025
Posted
Articles, Dr. Gamini Kariyawasam
Tagged Sri Lankan Buddhist monks, Ven. Pelpola Vipassi, Vipassi Thero
සුභාවිත සුනිල ගීත උල්පත – සුනිල් සරත් පෙරේරා – By Gamini Kariyawasam සරා සද සැරදේ….. ප‍්‍රසාද ගුණයෙන් අනූන, අරුත්බර සුභාවිත ගී සමුදායකින් දැයේ අධ්‍යාත්මය භාව පුර්ණ රසඥතාවයෙන් පුබුදු කළ සුනිල් සරත් පෙරේරා ශූරීන් මාර්තු 05 දින සිය ජීවන වන්දනාවේ 82 වන අනුස්මරණීය ඉසව්ව වෙත සේන්දු වේ .1943 මාර්තු 5 වන දින සුනිල් සරත් ජන්ම ලාභය ලබන්නේ ඇල්බට් පෙරේරා, සුසියන් විද්‍යාරත්න යුවල ගේ වැඩිමහල් පුතනුවන් ලෙසිනි. පද්මිණිය හා නන්දනිය ඔහුගේ බාල සොහොයුරියන් දෙදෙනාය. අප මරදාන ශ්රී ලංකා විද්‍යාලයේ ,විශ්ව විද්‍යාල ප්‍රවේශ පන්තියේ එකට සිප් සතර හැදෑරූ සමීපතම මිතුරන් වූවෙමු. හෙතෙම රුපවාහිණී අධ්‍යක්ෂ ජනරාල් ධුරය හෙබවූයේත්, මා ඊට යාබදව පිහිටි ජාතික ගුවන් විදුලියේ අධ්‍යක්ෂ ජනරාල් ධූරයේ රාජකාරි කළේත් එකම කාල වකවානුවකය. මේ පරිද්දෙන් පාසල් වියේත්,රාජකාරි දිවි පෙවෙතේත් මගේ සමීපතම මිතුරෙක්වූ සුනිලුන් ගේ ජීවනයේ අධ්‍යාත්මීය රිද්මය ,නිර්මාණනීය කුසලතා හැඩතල ,මම මැනවින් පසක් කරගෙන සිටියෙමි.ඒ අනුසරින් , සුනිල් සරත් පෙරේරා නම් වූ ඒ සෞන්දර්යකාමී මිනිසා පිළිබඳව , ඔහුගේ ජන්ම දිනයේ මෙවන් ආවර්ජනයක යෙදෙන්නට ...
Mar 1, 2025
Posted
Articles, Dr. Gamini Kariyawasam
Tagged ශ්රී ලංකා රූපවාහිනී, සුනිල් සරත් පෙරේරා, සුභාවිත සුනිල ගීත උල්පත
අසිරිමත් මොරටු පුත්‍රයා, දැයෙන් සමුගෙන 17 වසරක් සපිරේ. – ටිරෝන් ප්‍රනාන්දු – ආචාර්ය ගාමිණී කාරියවසම්. ඔහු අසිරිමත් මිනිසෙකි. මානව භක්තියෙන් පිරිපුන් නායකයෙකි. තමන්ට නොව දැයට යමක් ඉතිරි කළ අවංක දේශපාලඥයෙකි. මෙම අපූර්වතම මිනිසා දැයෙන් සමුගෙන 2025 පෙබරවාරි 26 දිනට 17 වසරක් සපිරේ. මිනිසත් බවින් පිරිපුන් ඒ සහෘදයා ටිරෝන් ප්‍රනාන්දු නම් වෙයි. ශ්රී ලංකා පරිපාලන සේවයට පිවිසි දින සිට දශක 30 කට ආසන්න කාලයක්, ඔහුට ඉතාමත්ව සමීපව කටයුතු කිරීමේ අවස්ථාව මට හිමි විය. එබැවින් අන් කවරෙකුටද වඩා එතුමාගේ ආත්මීය විශේෂතා පසක් කර ගැනීමට මට අවස්ථාව උදාවිය. එතුමාගේ අභාවයෙන් 17 වසරක් සපිරෙන මෙම අවස්ථාවේ එතුමාගේ උදාරතර ජීවින ගමනේ පිය සටහන් කිහිපයක් අනුස්මරණය නොකළහොත් මම මහත් අකෘතඥයෙක්ය යන හැඟීම මා තුළ ලියලන්නට විය. මෙම ලිපිය මා පෑන් තුඩින් කඩදාසියෙහි සටහන් වූයේ එහි ඵලයක් ලෙසිනි. ටිරෝන් ප්‍රනාන්දු මැතිඳුන් මට මුලින්ම හමුවන්නේ අසූව දශකයෙහි මුල් භාගයෙහි ය. තම ඡන්ද කොට්ඨාශය වූ මොරටුවෙහි සංවර්ධනය ක්‍රියාත්මක කිරීම උදෙසා සුදුසුතම රාජ්‍ය නිලධාරියෙකු සොයා ගැනීමට ඔහු සෑහෙන වෙහෙසක් දැරීය. වරක් ...
Feb 24, 2025
Posted
Articles, Dr. Gamini Kariyawasam
Tagged Moratuwa development, Moratuwa leader, Moratuwa road development, Sri Lanka administration service, Sri Lanka cricket stadium history, Sri Lanka politics, Sri Lankan politician, Tiron Fernando, Tiron Fernando biography, Tyron Fernando, Tyron Fernando commemoration
