අගමැතිවරුන් හත් දෙනෙකුගේ පෙර ගමන්කරු – බ්‍රෑඩ්මන් වීරකෝන්, 93 වන ජන්ම දින සමරයි . – By ආචාර්ය ගාමිණී කාරියවසම්. ඔස්ට්‍රේලියානු  ජාතික ක්‍රිකට් ක්‍රීඩක ඩොන් බ්‍රැඩ්මන් ඕස්ට්‍රේලියානු අළු බඳුන එංගලන්ත සංචාරයේදී වාර්තාගත, ත්‍රිත්ව ශතකයක් ලබා ගනිමින් එංගලන්තයේ සිට ආපසු එන අතරතුර 1930 ඔක්තෝම්බර් 30 වන දින ,කොළඹට පැමිණියේය.  ( ලෝක පූජිත ක්‍රිකට් ක්‍රීඩකයකු වූ සර් ඩොනල්ඩ් ජෝර්ජ් බ්‍රැඩ්මන් (1908 – 2001) විශිෂ්ට පිතිකරුවෙකු ලෙස 99.94 සීමාව ඉක්මවා දුර ප්‍රමාණයක සාමාන්‍ය වේගයක් පවත්වා ගෙන ගිය ඕස්ට්‍රේලියානු ජාතිකයෙකි.)  එම සැපත්වීම  සැලකිල්ලට ගෙන ,එදින  උපත ලද තම    කුඩා බිළිදාට   එම නම තැබීමට ක්‍රිකට් ක්‍රීඩා ලෝලී ඔහුගේ පියා එඩ්මන්ඩ් ආර්. වීරකෝන් සැලකිලිමත්වූ බව පැවසේ.         රයිගම් කෝරළයේ කළු ගංගා නිම්නයේ  පයාගල ආර්.( රොබින් )බ්‍රැඩ්මන් වීරකෝන් ශුරීන්  ගේ නිජ ගම් පියසය. පියාගේ  ගම කළුතර වූ අතර මව නුගේගොඩ පදිංචිකාරියක් වුවාය.  පියා සහකාර පොලිස් අධිකරීවරයෙකි.මව එඩිත් මැතිනිය  මොරටුව  වේල්ස් කුමරි  විදුහලේ ගුරු මාතාවක් ලෙසින් සේවහි නිරතව සිටියාය. දෙමාපියන් ඇන්ග්ලිකන් භක්තිකයන් විය.එනමුදු බ්‍රැඩ්මන්  18 වන වියේදී බුදු සමය වැළද ගත්තේය. ඔහු ඉගෙනුම ලැබුවේ කළුතර ශුද්ධවූ ක්‍රිස්තු  විද්‍යාලයෙනි. ...

දේශයට ශාප කරමින් අහිමි පෙමට දිවි පිදූ – By ආචාර්ය ගාමිණී කාරියවසම් කුවේණිය සිංහල සමාජයෙහි අප කවුරුත් අසා ඇති. අපේ දේශයේ වෘතාන්ත ගත අද්විතීය කාන්තාවකි .එපමණක් ද නොව කුවේණිය යනු ශ්‍රී ලාංකිකයන්ගේ සංස්කෘතික මතකයේ විචිත්‍රවත් චරිතයකි. හෙන්රි ජයසේන කලා ශිල්පියා කුවේණිය වේදිකා නාට්‍යය තුළින් ඇය පිළිබඳව මතකය ලාංකේය සන්තානහි අමරණීයත්වයට පත් කිරීමට සමත් විය.  කුවේණිය පිළිබඳ ඉතිහාසයේ දැරූ සමාජ ආකල්ප,හෙන්රි ජයසේනයන්ගේ  කුවේණි නාට්‍ය තුළින්,මානෙල් ජයසේනයන් ගයන මෙම ගීතයෙන්  මැනවින් පිළිඹිබු වේ.  “මන්ත්‍ර මායා ජප කරන්නිය – සක්වලින් මාරුත ගෙනෙන්නිය   භූත වෙස් ගෙන සැරිසරන්නිය – සයුරු නැව් ගිල්වා මුහුදු දිය කළඹා   රත් නුවන් අහසට බමන්නිය – රන් මලින් සියොළඟ සදන්නිය   රන් දළින් නරයන් බුදින්නිය – නොදන්නෝ කවුරු කුවේණිය රුදුරු “   ජනප්‍රවාද, මුඛ පරම්පරාගත වෘතාන්ත සහ විවිධ සාහිත්‍ය කෘතීන් ඇසුරෙන් මතුවන කුවේණියගේ කුතුහලය දනවන සුළුවූ තොරතුරු සමුද‌ායක් කාලයාගේ වැලි තලාවෙන් වැසී යමින් පවතී. වසර ගණනාවකට ඉහත මා මහනුවර සහ රත්නපුරය ප්‍රදේශයේ  රාජ්‍ය සේවයෙහි නිරතව සිටි අවදියේ සති අන්තයේ ඓතිහාසික වැදගත්කමක් සහිත ස්ථාන පිහිටි ප්‍රදේශ දැක බලා ගන්නට සංචාරයේ යෙදෙන්නට ...

පතිවත වෙනුවෙන් දිවි පිදූ – රූමත් රූප්මතී දේවිය –  By ආචාර්ය ගාමිණී කාරියවසම්. භාරත දේශයෙහි සුපතළ   රාමා සීතා – රාධා ක්‍රිෂ්ණා –  ෂා ජහාන්  මුම්ටාෂ්  වන්  ප්‍රේම වෘතාන්ත ඔබ අනන්තවත් අසා ,කියවා ඇති බව නිසැක. ඒ  අතරට එක්වන, එහෙත්  පාඨකයින්  වැඩි පිරිසක් අසා හෝ කියවා නොමැති,   ඓතිහාසික  සත්‍ය  සොඳුරු  පෙම් පුවතක්  ඔබ  හමුවේ සිත්තම්  කිරීමේ ප්‍රයත්නයකි    මෙම පෙළගැස්ම . ප්‍රේමයේ  නාමයෙන් මරණය වැළඳ ගත් රැජිනියක් සම්බන්ධ මෙම  කතා පුවත, අප  අසල්වැසි ඉන්දීය ඉතිහාසයට එක් වන්නේ පහලොස් වෙනි සියවසේ දීය. මුලින්ම මෙහිදී අපගේ අවධානය  ඉන්දියාවේ මධ්‍ය ප්‍රදේශයෙහි වින්ධ්‍යා කඳුවැටියට උතුරින් පිහිටි මල්වා  ප්‍රාන්තය  වෙත යොමුවේ. මල්වා ප්‍රාන්තය, ක්‍රි. පුර්ව 6 වන සියවසේ සොළොස් මහා ජනපදයන්ගෙන් එකක්වූ අවන්ති ජනපදය ලෙස  පුරා  විද්‍යාඥයින් මේ වන විට හඳුනාගෙන ඇත. වින්ධ්‍යා කඳුවැටිය මල්වා ප්‍රාන්තය පාලනය කළ   සුල්තාන්වරයා වූයේ බයාසිඩ් බාස් බහදූර් ඛාන් ය.හේ ස්වභාව  ධර්මයට,  සෞන්දර්යයට,සංගීතයට  බෙහෙවින් ඇලුම් කළේ ය. දිනක් ඔහු නර්මදා නදිය අසබඩ වන පෙතට පිවිසියේ වන අසිරිය විඳිමින්, සිය ධනු ශිල්පීය  අභ්‍යාසයන්   මුවහත් කර ගැනීමේ  අපේක්ෂාවෙනි. වන පෙත  ඔබ මොඹ සැරි සරද්දී , වන වදුල දෙසින් නිකුත් මිහිරි සංගීත නාදයක් ඔහු සවන් වැකිණි. සුල්තාන් සෙමෙන්  සංගීත රාවය නැගුණු  දිශාවට පියමං කළේය. විසල්රුක් සෙවණක, ...

කිරි කවඩි සිනහා ….සදා මිළිනව 5 වසරක් සපිරේ – ආචාර්ය ගාමිණී කාරියවසම් මහා රෑ යාමේ, ඇල්හේන දෙසින් ඇසුණු සීපද රාවයෙන් මුසපත්ව,මෝරන සෙනෙහසින් ප්‍රමුදිතව,කිරි කවඩි සිනහ නගමින්    දයාරත්න රණතුංගයන් සොයා පැමිණි මෙම ගැමි  යුවතිය,දයාරත්නයන්  පමණක් නොව ,මුළු  ලොවින් ම , සදහට  ම සමුගෙන නික්ම ගොස් , ඔක්තෝම්බර් 16 වන දිනට පස් වසරක් සපිරේ.මෙරට ප්‍රථම සිංහල සංගීත මහාචාර්යවරියවූ අමරා රණතුංගයන් ගේ සෞන්දර්ය චාරිකාවේ පිය සටහන් ස්මරණය  කරමින් ,ඇයට උපහාර දැක්වීමේ  අරමුණ  ,මෙවන් ලිපියක් සැකසීම කෙරෙහි  ,මසිත් යොමුකරළීමට හේතු විය. 1939 අගෝස්තු 22 ගම්පහ බටුවත්තේ ජන්ම ලාභය ලද , දෝන අමරා කස්තුරිආරච්චි,එකොළොස් ද නෙකුගෙන් යුත් පවුලේ පස්වැන්නීය. ඇගේ පියා, දොන් වියෝලිස් කස්තුරිආරච්චි හංවැල්ල ප්‍රාථමික විද්‍යාලයේ මුල් ගුරුවරයා විය. මව දෝන අල්පිනෝනා මීගහපොළ ගෘහණියකි. අමරාවන්ට සිය  දෛවෝපගත සහකරු නෙත් ගැටෙන්නේ,ඇය 12 වන වියේ පසුවෙද්දීය.ඒ 1952 වසරයි.හේවුඩ්  සංගීත  ආයතනය ට,හා හාපුරා සෞන්දර්යය විෂය හැදෑරීමට සිසුන් බඳවා ගැනෙන්නේ  එම වසරේය.  දයාරත්න රණතුංග, අමරා  කස්තුරිආරච්චි,පී වී නන්දසිරි,ධනවතී හේවුඩ් සංගීත ආයතනයට ඇතුළත්වූ  මුල් ම සිසුන් සිවු දෙනා බව පැවසේ.එහිදී සංගීත විෂය  හදාරද්දී, අමරා සහ දයාරත්න අතර සෞන්දර්යාත්මක ලෙන්ගතු බැඳීමක් නිපන්නේ ආකාශ්මික ලෙසිනි.1964 ...

නළියන දිය බුබුලක් වටකර තැනූ පනාමුරේ ඇත්ගාල – By ආචාර්ය ගාමිණී කාරියවසම්. මම ,වසර ගණනාවකට පෙර  රත්නපුර අතිරේක දිසාපති ලෙසින්  රාජකාරියෙහි  නියුක්තව  සිටි කාල වකවානුවේ ,මා ලද අපූර්ව  අත්දැකීමක් පාඨක ඔබගේ ද අත්දැකීමක් බවට  පත් කරලන්නට අදහස් කළෙමි. එදවස  එක්තරා රාජකාරී කටයුත්තක් සඳහා මට ඇඹිලිපිටිය බලා  යෑමට සිදුවිය. ආපසු එන ගමනේ දී බොහෝ රෑ බෝවිය. අතර මගදී  මා ගමන් ගත් රියේ විදුලි පහන්ස ම්පුර්ණයෙන්  අක්‍රියව ගියේය.අලුත්වැඩියා කර ගැනීමට අසල ගරාජයක් සොයා ගැනීමට ද අවකාශයක් නොවීය. පාර වැටී තිබුනේ  මහා ගන වනයක් මැදිනි. පේනතෙක් මානයක නිවසක් හෝ මිනිසකු දැකිය නොහැකි විය. වෙනත් වාහනයක් ගෙන්වා ගැනීමේ රිසියෙන් ජංගම දුරකථනය ක්‍රියාත්මක කළෙමි. දුරකථන සංඥා ළඟා  නොවන දුරස්ථ ප්‍රදේශයක් වූ හෙයින් එම වෑයම ද අසාර්ථකය. රැය පහන් වන තුරු රථයේ රැදී සිටීමට අප  තීරණය කළෙමු. නිසල, නිහඬ පරිසරය බිඳිමින් විටින් විට ශ්‍රවණය වූ වන සතුන්ගේ හඬ අප තුළ තිගැස්මක් ඇති නොකළාම නොවේ. අඩ හෝරාවක් පමණ ගතවෙද්දී ඈතින් ඈත කිසියම්  එළියක් දිස් විය.  ආලෝක පුංජය ...