The Universal Origins of Ananga, the God Who Connects Hearts Across the World-by Gamini Kariyawasam

ලොව හදවත් යා කරන අනංගයා ගේ  විශ්වීය සම්භවය-by Gamini Kariyawasam

මිනිස් හදවතක ආදරය නමැති මනෝරම්‍ය  හැඟීම ජනිත වන්නේ  කෙසේද? දෙනෙත් එකිනෙක හමුවන එක් නිමේෂයකින්ද? මුවඟට නැඟෙන සිනහවකින්ද? නැතහොත් වචනයෙන් විස්තර කළ නොහැකි කිසියම් අදිසි ආකර්ෂණයකින්ද? මානව ඉතිහාසයේ සෑම යුගයකම කවීන්, දාර්ශනිකයන්, චිත්‍ර ශිල්පීන් සහ සාහිත්‍යධරයන් මවිතයට පත් කළ මෙම ප්‍රශ්නයට විවිධ සංස්කෘතීන් පිළිතුරු සොයා ඇත්තේ අපූර්ව ඉපැරණි වෘත්තාන්ත  ඔස්සේය.

ඒ පුරාවෘත්තාන්ත  අතරින් ලොව පුරා ජනප්‍රියත්වයට පත් වූ චරිතයක් වන්නේ ආදරයේ හී සරයෙන් මිනිස් හදවත් එකිනෙක යා කරන බවට සැලකෙන අනංගයා හෙවත් කාමදේවයා  ය. බටහිර ලෝකයේ ඔහුට වඩාත් ප්‍රකට සමාන චරිතය වන්නේ රෝම පුරාණෝක්තිවල කියැවෙන Cupid හෙවත් Amor ය. ග්‍රීක පුරාණෝක්තිවල ඔහුට සමාන චරිතය Eros ලෙස හැඳින්වේ. මෙම චරිත එකිනෙකට සමාන ලක්ෂණ දැරුවද ඒවායේ මූලාරම්භය, පසුබිම සහ සංකේත විවිධය.

 අනංගයාගේ උක්දඬු දුන්න සහ මල් හී පහ;

         ඉන්දියානු හින්දු පුරාණෝක්තිවල කාමදේවයා ආදරය, ආකර්ෂණය සහ කාම ආශාව නියෝජනය කරන දෙවියෙක් ලෙසින් විස්තරවේ. ඔහුගේ රුව සිතට මවා ගන්නා විට අප ඉදිරියේ මැවෙන්නේ උක්දඬුවකින් තැනූ දුන්නක් අරා සිටින, මල්වලින් සැරසි  හී පහක් අතැති, ආකස්මික   දෙවියෙක් විලසිනි.

එහෙත් ඔහුගේ දුන්න සාමාන්‍ය දුන්නක් නොවේ. එහි විශේෂත්වය වන්නේ එය උක්දඬුවකින් නිර්මාණය වී තිබීමයි. දුනු දණ්ඩේ තත් වෙනුවට මී මැස්සන් රොදක්  වැනි රූපකයක් ද ඇතැම් පුරාණ විස්තරවල දක්නට ලැබේ. ඔහුගේ හීය  ද ලෝහයෙන් තැනූ හීයක්  නොව, මල්වලින් සැකසුණු සුදු සුමුදු  සංකේතාත්මක හීයකි .

සාම්ප්‍රදායික විස්තරවල ඔහුගේ මල් හී පහට නෙළුම්, අශෝක, අඹ මල්, මල්සරා හෙවත් ජැස්මින් සහ නිල් මානෙල් වැනි මල් ඇතුළත් වේ. විවිධ ග්‍රන්ථ හා සම්ප්‍රදායන්හි මෙම හීවල නම් සහ අර්ථ දැක්වීම් වෙනස් විය හැකිය.

මෙහි ඇති අපූර්ව සංකේතය කුමක්ද? සාමාන්‍ය දුන්නකින් විදින හීය ශරීරයට තුවාලයක් සිදු කළ හැකිය. එහෙත් අනංගයාගේ මල් හීය ඇසට නොපෙනෙන හදවතට ඇතුළු වන බව පුරාවෘත්තයන් ගෙන්  කියැවේ. මල්වල සුන්දරත්වය, සුවඳ සහ මෘදු බව මිනිස් සිතේ ආකර්ෂණය හා ආදරයේ සියුම් ස්වභාවය සිහිපත් කරව යි.

උක්දඬුවේ මිහිරියාවත්, මල්වල සුගන්ධයත්, මී මැස්සන්ගේ ගුමුගුමුවත් එකට එක් වූ මේ දුන්නෙන් විදින හී සරය, මිනිස් සිතේ උපදින ප්‍රේමයේ මධුර ස්වභාවයත් , එහි නොසිතූ විරූ වින්දනයත්  පිළිබඳ අපූර්ව කාව්‍යමය සංකේතයක් උපකල්පනය කරවන සුළුය..

Image Source:Amazon

‘අනංගයා’ යන නාමයේ සම්භවය;

සිංහල භාෂාවේ ‘අනංගයා’ යන නාමය අපට විශේෂයෙන් හුරුපුරුදුය. සංස්කෘත භාෂාවේ ‘අනංග යන්නෙහි අදහස ‘අංග රහිතයා’ හෙවත් ශරීරයක් නොමැති තැනැත්තා යන්නයි.

හින්දු පුරාණ කතාවකට අනුව,කාමදේවයා භාවනාවේ නිරතව සිටි ශිව දෙවියන්ගේ සිතෙහි ආකර්ෂණයක් ඇති කිරීමට උත්සාහ කළේය. එයින් කෝපයට පත් ශිව දෙවියන්ගේ තෙවැනි ඇසින් නිකුත් වූ ගිනි දැල්ලෙන් කාමදේවයාගේ ශරීරය දැවී ගිය බව කියැවේ.

පසුව ඔහුගේ බිරිඳ වන රතියගේ ශෝකය සහ ආයාචනය සම්බන්ධයෙන් විවිධ පුරාණ සම්ප්‍රදායන්හි විවිධ විස්තර සඳහන් වේ. එක් ප්‍රකට සම්ප්‍රදායකට අනුව, ඔහුට නැවත ශරීරයක් නොමැතිව ක්‍රියාත්මක වීමේ තත්ත්වයක් ලැබිණි. එබැවින් ඔහු ‘අනංගයා’ ලෙස ප්‍රකට විය.

මෙය හුදෙක් පුරාණ කතාවක් පමණක් නොවේ. එය ආදරයේ අදිසි ස්වභාවය පිළිබඳ ගැඹුරු සාහිත්‍යමය රූපකයක් ලෙසද කියවිය හැකිය. ආදරය ඇසට පෙනෙන වස්තුවක් නොවේ. එහෙත් එය මිනිස් සිතුවිලි, හැසිරීම් සහ ජීවන චර්යාව  කෙරෙහි ප්‍රබල බලපෑමක් ඇති කරවයි. ශරීරයක් නැති අනංගයා පිළිබඳ සංකල්පය එම අදිසි බලය මනරම් ලෙස නිරූපණය කරයි. ආදරයේ දෙවියන් පිළිබඳ සංකල්පය ඉන්දියාවට පමණක් සීමා වූවක් නොවේ.

දේශයෙන් දේශයට  වෙනස් වන ආදරයේ දෙවිවරු;

ලෝකයේ විවිධ රටවල සහ සංස්කෘතීන් හි  ආදරය එකම ආකාරයකින් විද්‍යාමාන . ඇතැම් සම්ප්‍රදායන් ආදරය හදිසියේ හටගන්නා ආකර්ෂණයක් ලෙස දකින අතර, තවත් සම්ප්‍රදායන් එය දෛවය, විවාහය, සෙනෙහස හෝ ජීවිතයේ සරු බව සමඟ සම්බන්ධ කරයි.

ඉන්දියාව –

කාමදේව (Kāmadeva):   භාරතයේ ආදරය, ආශාව සහ ආකර්ෂණය නියෝජනය කරන දෙවියාය. ඔහුගේ උක්දඬු දුන්න සහ මල් හී පහ ඔහුගේ ප්‍රධාන සංකේත වේ. ඔහු මනමථ, මදන සහ

Image Source:Wisdomlib

අනංග යන නම්වලින්ද හැඳින්වේ Kāmadeva

ග්‍රීසිය –

Eros: ග්‍රීසියේ  ආදරය හා ආකර්ෂණය නියෝජනය කරන දෙවියාය. ග්‍රීක පුරාණ කතා, කාව්‍ය හා මූර්ති කලාව තුළ ඔහුට වැදගත් ස්ථානයක් හිමි වේ. මුල් ග්‍රීක සම්ප්‍රදායන්හි ඔහුගේ ස්වභාවය පසුකාලීනව ජනප්‍රිය වූ කුඩා පියාපත් සහිත දරුවාගේ රුවට වඩා වෙනස් විය. ඇතැම් මුල් කාව්‍ය සම්ප්‍රදායන්හි Eros ලෝකයේ ආරම්භය හා මැවීමේ බලවේග සමඟද සම්බන්ධ කෙරේ.

පසුව ග්‍රීක චිත්‍ර හා මූර්ති කලාව තුළ Eros බොහෝවිට පියාපත් සහිත තරුණයෙකු හෝ කුඩා දරුවෙකු ලෙස නිරූපණය විය. ඔහුගේ දුන්න සහ හී මිනිසුන්ගේ පමණක් නොව දෙවිවරුන්ගේද

සිත් තුළ ආදරය හෝ ආශාව ඇති කිරීමට සමත් බව පුරාණ කතාවල සඳහන් වේ.Eros

රෝමය –

රෝමවරුන් ග්‍රීක Eros චරිතයට සමානව Cupid සහ Amor යන නම,සෙනෙහසේ දෙවිදුන්ට  භාවිත කළහ.රෝස මල්, හදවත් හැඩැති සංකේත, දුන්න සහ හී යනාදිය සමඟ Cupid අද දක්වාම ආදරයේ ජනප්‍රිය සංස්කෘතික සංකේතයක් වී තිබේ. Cupid / Amor: ආදරය හා ආශාව පිළිබඳ වඩාත් ජනප්‍රිය සංකේතයකි. ඔහුගේ හී සරයට හසු වූ අය ආදරයෙන් බැඳෙන බව පුරාණ කතාවල කියැවේ.

Image Source:Flickr

Image Source:Wikimedia

Image Source:Dzstatue

ආදරයේ දෙවඟන වන Venus

 වීනස්  යනු ආදරය, සුන්දරත්වය සහ සශ්‍රීකත්වයට අධිපති රෝම දේවතාවිය වන අතර, ආදර සහ සෞන්දර්යාත්මක ක්ෂේත්‍ර කෙරෙහි ඇයගේ බලපෑම නිසා පුරාණ රෝමයේ බහුලව ගෞරවයට පාත්‍ර වේ. ඇය ට්‍රෝජන් වීරයා වන ඊනියාස්ගේ මව ලෙසද සමරනු ලබන අතර, ඇය රෝමයේ මිථ්‍යා සම්භවය සමඟ සෘජුවම සම්බන්ධවේ.

චීනය –

 Yue Lao (යූ ලාඕ): චීනයේ ආදරයට මුල් වන දේවතාවාය. චීන ජනප්‍රවාදයේ විවාහය සහ නියමිත ජීවන සහකරුවන්ගේ එක්වීම සමඟ සම්බන්ධ චරිතයකි. ඔහුගේ කතාවේ ප්‍රසිද්ධ සංකේතය වන්නේ දෛවයෙන් එකිනෙකාට බැඳී ඇති අය සම්බන්ධ කරන රතු නූලයි. මෙය Cupid ගේ හීයට වෙනස් වූ, නමුත් ආදරයේ එක්වීම පිළිබඳ සමාන අදහසක් ප්‍රකාශ කරන සංකේතයකි.

Yue Lao

ජපානය –

 Aizen Myōō (අයිසෙන් ම්යෝඕ): ජපන් බෞද්ධ සම්ප්‍රදායන්හි ආදරය, ආශාව සහ මිනිස් හැඟීම්වල පරිවර්තනය සමඟ සම්බන්ධ වන ගෞරවනීය ආගමික චරිතයකි. ඔහු බටහිර Cupid මෙන්

Image Source:ETSy

සරලව ආදරයේ දෙවියෙකු ලෙස පමණක් හැඳින්විය නොහැකි අතර, ඔහුගේ අරුත බෞද්ධ ආගමික පසුබිම තුළ විග්‍රහ කළ යුතුය.Myōō

නෝර්ස් හෙවත් පැරණි ස්කැන්ඩිනේවියානු සම්ප්‍රදාය – Freyja: ආදරය, සුන්දරත්වය, සරු බව සහ ඇතැම් සම්ප්‍රදායන්හි යුද්ධය සමඟද සම්බන්ධ වූ දෙවඟනකි. ඇය පිරිමි ආදර දෙවියෙකු

Freyja

නොව, ආදරය පිළිබඳ පුළුල් සංස්කෘතික සංකල්පය නිරූපණය කරන ස්ත්‍රී දේවතාවියකි.
පැරණි මෙසපොතේමියාව –

: සුමේරියානු Inanna සහ බැබිලෝනියානු Ishtar යන දෙවඟනන් ආදරය, සරු බව සහ යුද්ධය වැනි විවිධ බලවේග සමඟ සම්බන්ධ වූහ. ඔවුන්ගේ කතා පුරාණ මැදපෙරදිග සමාජවල ආදරය

Image Source:

Facebook
සහ බලය පිළිබඳ අදහස් තේරුම් ගැනීමට උපකාරී වේ.

Ishtar

මෙම සියලු චරිත එකම දෙවියෙකුගේ විවිධ නම් ලෙස සැලකිය නොහැකිය. ඒවා වෙනස් ආගමික හා සංස්කෘතික පසුබිම්වලින් බිහි වූ චරිත වුවද, මිනිසාගේ ආදරය, ආශාව, සෙනෙහස සහ ජීවන සහකරු සොයා යාම වැනි පොදු මානව අත්දැකීම් ඒවා ඔස්සේ ප්‍රකාශ වේ.

ලංකාවේ බිතු සිතුවමකට නැගුණු එකම අනංග ප්‍රතිමාව;

මෙහිදී , ලංකාවේ විහාරයක තිබෙන එකම අනංග ප්‍රතිමාව ද අපගේ මතකයට නැගේ.දකුණේ පෞරාණික පූජනීය ස්ථානයක් වන , ගාල්ල දිස්ත්‍රික්කයේ හික්කඩුව, ‍තෙල්වත්ත ග්‍රාමයේ පිහිටා තිබෙන රාහුල හිමියන් වැඩ විසූ තොටගමුව පන්සල් විහාර මන්දිරයෙහි මෙම අනඟ බිතුසිතුවම ස්ථාපිතය.

උසින් අඩි 20ක් පමණ වන මෙම සිතුවම විවාහයට, ප්‍රේමයට අධිපති ලෙස සැලකෙන අනඟ දෙවිඳුන්ගේ සිත්තමක් බැව් පුරා විද්‍යාඥයන් හඳුනාගෙන ඇත.

Image Source:Chulie

ආදර හීය හදවතට වැදුණු විට…

අනංගයා  ගේ හීය වැදුණා’ යන ප්‍රකාශය අද, ජාත්‍යන්තර ජනප්‍රිය සංස්කෘතිය තුළද නිතර දක්නට ලැබේ. එයින් අදහස් වන්නේ යමෙකුගේ  හදවතේ   හදිසියේ ම තවත් කෙනෙකු කෙරෙහි ආදර හැඟීමක් ඇති කර ගැනීමයි.

ආදරය පිළිබඳ මෙවැනි රූපක භාෂාවකට විශාල ශක්තියක් තිබේ. මිනිසුන්ගේ සිත් තුළ ඇති වන සංකීර්ණ හැඟීම් සරල රූපයක් ඔස්සේ පැහැදිලි කිරීමට එය සමත් වේ.

එහෙත් සැබෑ ජීවිතයේ ආදර සම්බන්ධතාවක් ගොඩනැඟීම එක් හී සරයකින් සිදු වන ආශ්චර්යයක් නොවේ. පළමු බැල්මකින් ආකර්ෂණයක් ඇති විය හැකිය. නමුත් එම ආකර්ෂණය කාලයත් සමඟ විශ්වාසය, අවබෝධය, ගෞරවය සහ වගකීම මත පදනම් වූ සම්බන්ධතාවක් බවට පත්වීමට දෙදෙනාගේම කැපවීම අවශ්‍ය වේ.

එබැවින් අනංගයාගේ හීය ආදරයේ ආරම්භය සංකේතවත් කළ හැකි වුවද, එය රැකබලා ගැනීමේ වගකීම පැවරෙන්නේ මිනිසුන්ටමය.image.png

ආදරය: මල් හීයකට වඩා ගැඹුරු මානවීය බැඳීමකි;

ආදරය යනු ප්‍රේමවන්තයන් දෙදෙනෙකු අතර ඇති වන ආකර්ෂණයට පමණක් සීමා වූ හැඟීමක් නොවේ. එය දෙමාපියන් හා දරුවන් අතර ඇති සෙනෙහසෙහිද, මිතුරන් අතර ඇති විශ්වාසයෙහිද, ජීවන සහකරුවන් අතර ඇති කැපවීමෙහිද විවිධ ස්වරූපයෙන් ප්‍රකාශ වේ.

අනංගයාගේ මල් හී සංකේතය අපට සිහිපත් කරන්නේ මිනිස් හදවතේ හැඟීම් බොහෝවිට අදිසි වුවද ඒවායේ බලපෑම ඉතා ප්‍රබල බවයි. වචනයක්, සිනහවක්, කරුණාවන්ත ක්‍රියාවක් හෝ අවංක අවධානයක් තවත් කෙනෙකුගේ ජීවිතය මුළුමනින් ම වෙනස් කළ හැකිය.

එහෙත් ආදරයේ සැබෑ සුන්දරත්වය පවතින්නේ කෙනෙකුගේ සිත දිනා ගැනීමේදී පමණක් නොවේ. එම සිතට ගෞරව කිරීමෙහි, අනෙකාගේ කැමැත්තට ඉඩ දීමෙහි, දුකේදී සහ සතුටේදී එකිනෙකාට සහය වීමෙහි සහ විශ්වාසය ආරක්ෂා කිරීමෙහි එය රැදී පවතී.

ඉන්දියාවේ උක්දඬු දුන්න අරා සිටින අනංගයාගේ සිට ග්‍රීසියේ Eros දක්වාත්, රෝමයේ Cupid ගේ සිට චීනයේ රතු නූලෙන් දෛවයේ බැඳීම් සංකේතවත් කරන Yue Lao දක්වාත් දිවෙන මේ පුරාවෘත්ත ලෝකය අපට කියා දෙන්නේ එක් වැදගත් කරුණකි.

එනම්,ආදරය ලෝකයට පොදු මානවීය අත්දැකීමක් වුවද, එය විස්තර කරන ආකාරය සංස්කෘතියෙන් සංස්කෘතියට වෙනස් වන ස්වරූපයයි.

අනංගයාගේ උක්දඬු දුන්නෙන් විදින මල් හීය කවියෙකුට කවියක් ලිවීමටත්, චිත්‍ර ශිල්පියෙකුට සිතුවමක් නිර්මාණය කිරීමටත්, පෙම්වතෙකුට තම හදවතේ හැඟීම් ප්‍රකාශ කිරීමටත් ප්‍රබල රූපකයක් සමීප කරවන සුළුය.

කෙසේ වෙතත්, ලෝකයේ සියලු මල් හීවලට වඩා වටිනා දෙයක් තිබේ. එය ආදරයෙන් බැඳුණු හදවත් දෙකක් අතර ගොඩනැඟෙන අවංකභාවය, කරුණාව සහ අන්‍යෝන්‍ය ගෞරවයයි.

මන්ද, අනංගයාගේ හීය හදවතට වැදුණා විය හැකිය. එහෙත් ඒ හදවතේ ආදරය දිගු කලක් සුරක්ෂිතව පවත්වා ගැනීමේ සැබෑ බලය ඇත්තේ මිනිසා තුළමය.

At eLanka, we respect the rights of creators. If we have used an image you own and you’d like it removed, please email us at info@elanka.com.au and we’ll handle it promptly.
Thanks.

eLanka team

eLanka Disclaimer

Content published on eLanka may be created by the eLanka team, submitted by contributors or third parties, reproduced or adapted from other sources with appropriate source acknowledgement, or provided as promotional/advertising material by our clients. While eLanka takes reasonable care in preparing and publishing content, we do not warrant its completeness or accuracy. Views expressed are those of the respective authors or contributors and do not necessarily represent the views of eLanka. Third-party contributors, content providers and advertisers are responsible for the accuracy of material they supply and for ensuring they hold the necessary rights and permissions for its publication. Advertising and promotional content should not be regarded as an endorsement by eLanka of any product, service or claim.